Sui Komesina o Leoleo, Misa Nafoitoa Talaimanu Keti

 

Tusia Mamea Ulafala

 

Ao sauni ai le atunuu e faamanatu i aso fiafia o le tausaga ua mavae sa le mapu le taulogologo a le Matagaluega o Leoleo.

 

O faalauiloa i luga o ala tetele i le tele o mag�?ala ae maise o polokalame i luga o leitio ma televise.

 

O le maea ai o aso fiafia lea ua faailoa mai ai e le Sooupu o le Matagaluega Fauono Talalelei Tapu le agaga fiafia e tuvsa ai o le vaitau o le Kirisimasi ma le Tausaga Fou.

 

O le faamaninoga o lea vaega lea na saunoa ai Fauono i le pau maulalo o le fuainumera o le mamalu o le atunuu na maua o tagofia le ava malosi ma ave le taavale.

 

Saunoa foi Fauono e faapea, a faatusatusa i le tausaga e 2012 i le vaitau lava o aso fiafia ona manino ai lea o le tulaga saogalemu na i ai si o tatou atunuu.

 

Na maua foi le avanoa e faaalia ai se finagalo o le Tofa Nafoitoa Talaimanu Keti o loo seei i le nofoa o le Matagaluega i le taimi nei.

 

“O le agaga lava lea e tasi o le fia momoli o le faafetai i le mamalu o Samoa ma ona tagata nuu uma, e afua le lagona o le faafetai ona o le amanaia mai o se leo vaivai o le Matagaluega.

 

“E moni lava sa i ai nisi o faalavelave ia ae o le faatamala lava ma le sese o le faaiuga fai a le o loo foaina le taavale na afua ai ia faalavelave.

 

“Ae mo le Matagaluega o leoleo lava ia e momoli atu ai le agaga o le faafetai tele i�? Samoa atoa e tusa o le saogalemu sa i ai ao alo ai i aso fiafia o lena tausaga.

 

“E fia faaleo foi le agaga faafetai i Malu o le Malo i lo latou tinoū i tiute e mai lea taimi i lea taimi, o le tatalo ia faaaogaina pea so tatou vaivai ma so tatou le �?uga e tautua ai si o tatou atunuu.�? Saunoa i ai Nafoitoa Talaimanu Keti.

Share This

About the author