Maualuga le tulaga o Samoa i le saolotoga o le Vaega o le Au Faasalalau ‹ Savali News

Home » Samoan » Maualuga le tulaga o Samoa i le saolotoga o le Vaega o le Au Faasalalau

Maualuga le tulaga o Samoa i le saolotoga o le Vaega o le Au Faasalalau

Tags:      Posted date:  September 27, 2015  |  No comment



Tusia Fuialo Ulafala Seupule

O le saolotoga mo le au tusitala faapea ai ma le au faasalalau o le mataupu ua iloga le aliae mai i lea taimi i lea taimi.

E pei ona silafia o le galuega faa-tusitala ma le faasalalau o se galuega ua faaalia e le toatele ua le gata i Samoa nei ae faapea foi i soo se tafa o le kelope lona aoga tele.

Ua iloga foi le anoanoai o mataupu faalilolilo aemaise nisi o mataupu maaleale na iloa ona tulai mai ai le vaeaga o le au faasalalau ma faalauiloa ma faailoa  i lenei talutalu o le ola.

Ua mautinoa foi e le o se galuega faigofie aua e i ai lava pito fanua ua manino ai le inosia ma foliga mai o le au tusitala ma le au faasalalau o ni tagata leaga.

I Samoa lava ia ua manino ai le faalagiga o latou nei o le au faitatala poo le au molitala.

Ao se lipoti mai le faasinoala ma le faatulagana o le saolotoga mo le Vaega lenei o le au faasalalau, ua faaalia mai ai le tulaga 40 ai o Samoa i le faatulagana o atunuu uma o le lalolagi.

A fua i le tulaga e pei ona faailoa mai i lenei lipoti i le 180 atunuu o loo i ai ona manino ai lea o Samoa lava ia o loo maualuga le tulaga o saolotoga o le au tusitala ma le au faasalalau pe a fua i isi atunuu o le Pasefika.

O Fiti o loo i le tulaga 93 faapea ai ma Toga i le tulaga 43.

O le Iunaitesetete o Amerika o loo i le tulaga 49 faapea ai ma Iapani i le tulaga 61 i le faatulagana o atunuu e 180 o le lalolagi pito i luga.

I nei faamaumauga ua atagia ai i le Pasefika lava latou ese mai iā Niusila ma Ausetalia le tulaga maualuga o le amanaiaina o le galuega faatusitala ma le au faasalalau.

Na faaalia se finagalo o se tasi o Tusitala Sinia e leo manao e faaalia lona suafa lona agaga faagaeetia e tusa o lenei lipoti ma le tulaga o loo faatulaga mai ai Samoa.

Sa ia faalia foi e faaapea, e pogai nei mau tulaga lelei uma ona o le lelei o Pulega Malo ma le taitaiga a le Fauigamalo o i ai nei.

Sa ia toe faamanatu mai foi le tulaga e pei ona ua Pasia ai nei e le Palemene i lona faitauga muamua ma le lua o le Tulafono Taufaaofi mo le Au Faasalalau ma le Au Tusitala i totonu o le tatou atunuu ma ua taatia atu nei mo le faamaoniga a le Ao Mamalu o le Malo e ala i lona saini aao i lenei Tulafono.


About the author