Tusia Taunuuga Toatasi

O le manatu autu lea o le saunoaga a le Afioga i le Minisita o le Soifua Maloloina, Afioga Tuitama Dr. Leao Talalelei Tuitama, i le tatala aloaia ai o le aso e faatauaina ai mata.

O le faamanatuina o le aso e faatauaina ai le vaai, na faatautaia lea i le Falesamoa Faaleaganuu a le Pulega o Tagata Tafafao Maimoa mai Fafo i le vaiaso na sei mavae atu nei.

Na saunoa le Afioga i le Minita e faapea, i sailiiliga a le Faalapotopotoga o Soifua Maloloina i le Lalolagi i le tausaga e 2010, o loo faamauina ai, mai le 285 miliona o tagata e faaletonu le vaai, e 39 miliona le aofai o i latou ua po le latou vaai.

I lea faamaumauga o le tausaga e 2010, o le 80% o i latou e faaletonu le vaai e aofia ai mai latou ua po le latou vaai e le toe mafai ona toe foia.

E lua mafuaaga e faaletonu ai le vaai a le tagata, o le le puipuia lelei ma le tu (tulou) lea e tele na sosolo i totonu o fofoga o tagata..

I le tausaga e 2000, na faaitiitia ai le tulaga tau tamaoaiga mai i ai latou e faaletonu le vaai i le $42 piliona i le tausaga agai atu i le $11 piliona i le 2020.

Peitai o le mafuaaga e faaletonu ai le vaai a tagata Samoa e le o mautinoa, peitai o loo faamauina e faapea o le 80% o i latou e faaletonu le vaai e aofia ai ma i latou ua po le vaai, e le faaitiitia, o le faaopoopo lea a le Afioga i le Minisita.

Na toe faapupula ai foi e le Afioga i le Minisita i lana saunoaga le lipoti o faama’i e aafia ai le vaai, lea na faaalia ai e le Foma’i ia Dr Peter Egbert, le toe o faama’i e ono aafia ai mata.

O Dr Peter Egbert e pei ona saunoa le Minisita, na galue i le vaega e patino mo le vaaia o fofoga i le tausaga e 1982, e pei foi ona faatautaia e le Foma’i ia Randal Elliot i le tausaga e 1959.

Na saunoa foi le Afioga i le Minisita e faapea, o le toatele o i latou e faaletonu le vaa, e mafua ona o le ma’i suka.

E pei lava o le tagata e aafia i le gasegase o le suka, lea e aafia i le tulaga lea o le faaletonu o le vaai.

O le gasegase foi lea o loo toatele tagata o atunuu o le Pasefika e aafia ai, o le faaopoopo lea a le Afioga i le Minisita. I le tausaga e 2002, na faatautaia ai e le Matagaluega se sailiiliga poo le a tonu le aafiaga o faama’i le pipisi i le soifuaga o le tagata.

 

 

 

 

 

 

 

Na maua i lea sailiiliga e pei ona faailoa e le Minisita, o le 23.1 pasene o tagata Samoa e aafia i le gasegase o le suka. Mo le itupa o alii e 22.9 pasene, faatusatusa i le itupa o tamaitai e 23.3 pasene. “Ae a faatusatusa i le sailiiliga na fai i le tausaga e 1991, ona tula’i mai ai lea ua faaluaina le tulaga o fuainumera na maua i le sailiiliga muamua ma le sailiga lea.�?

O le fautuaga a le Matagaluega e pei foi na saunoa le Afioga i le Minisita, ina ia agai e vaai se fomai pe a fai ua tulaga faaletonu lau silasila.

“E tatau ona e agai e vaai se foma’i mata, pe a fai ua oso se tu i lou mata, ina ia vave foia.�?

“E lelei lava le puipuia nai lo le tau togafitia.�?

Share This

About the author