Ou te mua’i taia le tutafaitoa au�? paia o Samoa i ona tulaga fa’alupelupe, Afio i le Ao mamalu o le Malo, o le Sui Tofia, le Tafatolu o pulega fefa’atauagai o le Malo. O paia ma mamalu lava e fa’asino i Aiga ma latou Tama, Tulatoa ma Faleupolu tofia, le Usoga a Tumua ma Pule  e ono i Salafai ae a le fa’anonoga manū i le Aufaigaluega Paia a le Atua. O outou sa ma faigat�? nu’u nu’u atu ia fa’atini o tausala. O paia fo’i o faigamalo a Tutuila ma Manu’a au�? le Faleagafulu ma Ma’opu, Fa’atui ma To’oto’o o le Faleula, ta’alolo.

O le aso ananafi ma le as�? ua fa’agasolo ai e leoleo o ali’i o le malu o le Malo le fa’amamaina ma le fuatia o le nofoaga o lo’o fa’afeagai ma le malae vaalele i Faleolo mo le fausia ai o se falema’i mo le atunu’u atoa e fa’atupe mai e le malo tele o Amerika. O se atina’e e aog�? mo le atunu’u atoa ua fa’atuina i luga lava o eleele o le tatou lava Malo. Ua malama fo’i i ulugalu i polokalame faifaipea o fa’atalanoaga i vaiaso taitasi fuafuaga fai a l�? tatou Malo mo le lelei au i luma o tatou tagata lautele mai i lenei fo’i fa’amoemoe lelei.

O le taumafai la o se afioaga aua le afio o le Sa’oali’i ma Sa Tuala ma le tausi va’atele o le laau na fausia, le Vainalepa, ma le Faleaana latou te soli vale ma taofia atina’e aoga a le Malo ma i’u ai lava ina latou ati ni pa ma’a i le aso ananafi e taofia ai i le latou lava pule malosi le fegasoloa’i o faigamalaga sa’oloto o le lautele o le mamalu o le atunu’u, ma fa’afefe ai tagata i laau malosi,o ni faiga ia fa’anu’upo fa’asolitulafono fa’aterorisi e lē mafai lē mafai lē mafai ona tu’ufau�?  e le Malo. I se Malo ua atoa le 50 tausaga o mitamita i lona tutoatasi, ae toe tula’i mai ai ni uiga le fufu’a fa’apenei, e taitaia e ni matai, o lo ua silasila toto’a pea i ai le Malo aua o le mea e tupu e toe tupu fo’i pe�? le vave ona taomi i le fofo e tatau ma talafeagai.

Matou te ave atu ai malū i puega i le mamalu o Samoa na fa’alavelaveina lou tou sa’olotoga i le aso ananafi e faimalaga sa’oloto ai i so’o se tulimanu o Samoa i le puipuiga o lo’o afifi malu ma ta’ui i totonu o le Tulafono Fa’avae o le Malo Tutoatasi o Samoa. O le Tulafono Sili e puipuia ai le sa’olotoga o tatou tagatanuu mai ni uiga fa’atupu mala ma manatu faualuga fa’asiliaupule e faia e ni tagata amio lē taupulea.

Tatou te momoe pea ma manū e le fati ae sau mala e atia’e o lo’o fa’apogai ai le moe moe noa ma le lauf�? lē ain’a. O se mala fa’atupu luma i fale le tula’i mai pea o ni matai  o se afioaga e lalafi i tua o le fa’alupega o le pulega mamalu a ali’i ma faipule ae fa’aoso ai ma ni uiga mataga lē migao fa’asolitulafono e save’u ai le filemu o si o tatou atunu’u.

Tumau le talitonuga maumaua’i o Pulega mamalu Alii ma Faipule o nuu e fa’atumau ai le filemu o Samoa e oo i le faavavau. Ae a sao loa i latou e fa’aaoga sese le pule i le fa’atumutumuga o Pulega fa’amatai, o iina e liua ai le malu o tatou tu ma aganuu ma avea ai e fai ma pule saua.

E aog�? mea tutupu e maua ai manatu lelei. O se luitau fo’i lea mo ali’i o le Malu o le Malo ina ia fa’aaoga loa lo latou tomai ua maua i le puipuiga o le filemu i Savali a Malo Aufa’atasi o le lalolagi sa o latou malaga atu ai i fafo mo le puipuia o le latou fo’i saogalemu. Ia fa’apea fo’i ona fai mo le tatou foi saogalemu.

E malu Samoa i lana aganu’u e fa’avae i luga o Pulega lelei a Ali’i ma Faipule. O matai ua fai ma sui o le Atua au�? na vaelua i ai le suafa o le Atua. To’a pea  le tai a o palepale malie lo ta sa, e lē tu’ulafoaiina  foi Samoa e Lē ua fa’avae i ai lou Malo Tutoatasi, o le Atua lea e soifua e fa’avavau.

Ia fa’amanuia mai le Atua ia fa’afa�? va’a o mala ae fuli va’a o manū ia Samoa nei ma Elua. Manuia lo tatou alo atu i le sapati i le fa’aiuga o lenei vaiaso i le pule fa’asoa mai o le tatou matai sili.

Soifua.

Share This

About the author