Mamea Ulafala  

O le tamā iā Poiva Leilua  mai le afioaga o Saleilua Falealili na ia amatalia le pisinisi o le suau’u popo i le tausaga e 2010.

O le Falapotopotoga a Tina Faipisinisi na maua atu ai le fesoasoani ma amata ai loa le atinae.

O le tupe e maua e Poiva i le vaiaso e lata i le $10,000 e fua lava i le suāuu e maua.

“E fai lava i le malosi e i ai aua e le faigofie le faiga aemaise ai e na o au ma si ou tei tama e faatinoa uma galuega o lenei atinae.

“Ua faatoa lua nei vaiaso talu ona maua mai le siitaga o le tau o le paelo suāuu tusa lea ma le 20 kilo lona mamafa.

“O le tau sa i ai muamua e $120.00 i le paelo tumu, o le siitaga lea ua i ai ua $160.00 i le paelo.

“O se fiafiaga tele lea iā te au ona e pei ona ou fai atu e le faigofie le faiga o le suāuu e ova ma le valu itula e faagasolo ai le faiga.

“O vaiaso uma lava e ave  ai la’u suāuu ma a lelei lava le vaiaso ua maua paelo e lima pe ono foi.

“O tupe o maua i lenei atinae o faatupe ai aoga a le fanau o mea fai a le nuu faapea ai ma faalavelave o aiga e pei ona masani ai le tatou atunuu.

“Na afua ona tupu se lagona iā te au i lenei ituaiga o atinae ona o le tele o toganiu o le matou aiga aemaise ai o le lalau faasoloatoa o le popo ua leiloa poo le a le mea o le a faaaoga i ai. Ae o le mea moni lava e matua tele lava o tupe o loo maua mai I le latou toganiu ona o lenei atinae.”

“O le taimi nei e tasi lava lou manao o i ai pe mafai ona fesoasoani mai ai le Malo o le fia faia lea o se i si au ogaumu.

“E na o le tasi le ogaumu o i ai ma o lou talitonuga afai a e maua se i si ogaumu ua mautinoa loa ua fai loa ni aua tagata faigaluega.

“E le taumate foi se tupe lelei o le a maua ao le itu taua o le mua ai o galuega a nisi o le matou nuu e afua ina ua tino le miti i se i si au ogaumu.

O le molimau a Poiva sa ola ae i lona aiga ma lona le manatu i se atinae faapenei ua  manuia ai.

 

Share This

About the author