Vaaiga i le malumalu o le EFKS i Mulinu’u

 

Tusia Taunuuga Toatasi

Ua amatalia nei ona faaaoga le malumalu tapuai a le Ekalesia Faapotopotoga Kerisiano i Samoa i Mulinuu.

O le vaiaso na sei mavae atu nein a tatala aloaia ai le galuega a le ekalesia, e pei ona gafa ai ma le aulotu.

O le tau atoa o le galuega e $235,000.

I le faamalamalamaina o le tala i le galuega, na saunoa ai se tasi o tina o le matagaluega, ma e faapea e $80,000 na amata ai le galuega.

O lea seleni faatasi ai ma sailiga a le aulotu na fai, lea na faataunuuina ai le faamoemoe.

O le aso 6 Ianuari o le tausaga lenei 2013, na faia ai le sauniga mo le tuuina i lalo o le maota tapuai tuai.

O le aso 7 Aperila o le tausaga lenei lava 2013, na amatalia ai loa le galuega, e pei ona molimauina le tatala aloaia ai o faitotoa o lea malumalu tapuai.

I le amata mai ai o le aulotu e pei ona saunoa le Failautusi, na amata sauniga i le saofafai i lalo o le aulotu.

Alua’i alua’i ua i ai nofoa, se ia poo lava ina i ai le piano e faaaogaina e lagiina ai viiga o le Atua.

O se galuega fita na feagai ai ma le aulotu e pei ona saunoa le Failautusi.

Peitai, o e galulue faatasi, lea ua tino mai ai le faamoemoe a le aulotu.

“E leai se mea e faigata i le Atua.�?

“Lea ua tatou fiafia ma sagisagi i galuega mamana a lo tatou Alii, aua na ona tatou faafua, a o le Atua lava na ia faataunuu le tatou miti.�?

I lea aulotu e pei ona faailoa ai e le Failautusi, e na o le fitu matafale mautu ae tolu matafale fesoasoani.

E ui i lea toaitiiti, matou te le’i faavaivai ai aua le fausia o se matou malumalu tapuai, o le faaopoopo lea a le Failautusi.

O le susuga ia Siupo Maoae o le Taitai Tufuga lea na fausia lea maota tapuai mai Safune i Savaii.

I le amata ai o le sauniga mo le tatala aloaia o lea galuega, na tuuina atu ai e le Taitai Tufuga ki o le malumalu tapuai i le Taitaifono o le Ekalesia Susuga i le Faifeau Toeaina, Tavita Roma.

O le ootiina o le Lipine e tatala aloaia ai le malumalu na feagai lea ma le Faletua o le Taitaifono a le Ekalesia.

Na valaaulia le Afioga i le Palemia, Susuga Tuilaepa Lupesoliai Dr. Sailele Malielegaoi aua le molimauina o lea faamoemoe.

I le maea ai o le sauniga, na tuu aloaia atu ai loa e le Taitaifono o le Ekalesia le seleni e $20,000 o le meaalofa a le Ekalesia mo le aulotu EFKS i Mulinuu.

O le susuga i le faafeagaiga o le EFKS i Mulinnuu, Susuga Talalelei Tuafafo na taliaina lea seleni.

Share This

About the author