Tusia – Tusiga Peseta Taofiga

Ua ma’ea ona fautua le Afioga le ta’ita’i o le atunuu ia Tuilaepa Dr Sailele Malielegaoi mo nisi o le atunuu ua maua avanoa e galulue fa’avaitaimi ai mo Aotearoa o le una’i ma le fa’amamafa a le Malo ina ia mautinoa e le’o so’ona fa’aaoga fa’aletatau le tele ma anoanoai o avanoa ua fa’amatu’u mai e ia Malo mo nai o tagata.
O le fiafiaga tele foi lea ua afua ai ona fa’aauauina pea lea faigapa’aga ona o lo o silasila mai pea ia Malo e le’o muta le fa’aaoga tatau o ia avanoa ma le galuega a le Malo o le tu’itu’i ma toe fa’amanatu le a’afiaga ogaoga e o’o iai ia avanoa pe a le talafeagai lona fa’aaogaina.
O le vaiaso ua mavae sa amata malaga ai nisi mo lea fa’amoemoe peita’i e ao lava ona toe fa’amanatu ma saga tu’itu’i le taua ma le lelei o avanoa ua maua. Na avea le Afioga le Pule Sili o le Matagaluega a le Palemia ma le Kapeneta ia Agafili Shem Leo e toe momoli le fa’amalosi ma nisi o fautuaga a’o lumana’i ai le faigamalaga a ia ave fu’a o Samoa.
Na ia fa’amanatu le tele o isi tagata e afea loa i le tele o fa’afitauli a’apa ane loa ma tu’u iai le igoa o le ta’ita’i le Matagaluega a le Palemia ma le Malo o Samoa lilo i manatu le tulaga a’afia ua iai nei avanoa mo le lumana’i o isi fanau.
“’Aua ‘aua ne’i tatou fa’apea ifo ua na’o tatou fa’aaoga tatau le avanoa ma ia fa’atuatuana’i le manatu mama ae laualuga le avanoa le aumaua mo a taeao.”
“’Aua foi nei avea le igoa o le Malo e fai ma au tali pupuni ma talita i taimi e ulufia ai oe i faigata ma tofotofoina ai lou soifua ona o lou fa’atamala.”
“Tau ina ia alofagia e le Atua lo outou soifua fa’amuamua le aiga ma le Atunuu ae fa’amulimuli lagona sese e tupu ai le fete’ena’i o fa’aiuga lelei e ono tatau ma talafeagai ona fa’atino.”
Mo le silafia e Samoa o lea fa’amoemoe ua amata si’itia le numera o e faimalaga mo ia avanoa o le tulaga fa’aletonu lava o le tagata ia e afua ai ona tu’umaualalo lona tulaga e kolosi fa’asoloatoa ai lona suafa mai le tele o isi avanoa i le lumana’i.
O lo o fa’aauau pea ona fa’amatuu atu nisi o le atunuu mo lenei tausaga ma ua toe fa’amanatu ai e le Pule Sili ma le Ofisa o Glauega fa’avaitaimi a le Malo le alofa ia fa’amuamua o le ta’ita’i i le aumalaga fa’apena foi le tasi i le isi ma ‘aua le faiaiga pe faivaega foi aua o auala na a le fili e amata lepeti ai le fa’amaoni ma le naunautaiga ia filifili fa’atasi ma le Atua.

Share This

About the author