Tusia Mamea Ulafala Seupule

O se tala matautia mai i le tulaga ua i ai nei le talo a Samoa e pei ona auina atu i Niusila.

O lea tala ua pule aoao le talo a le atunuu i soo se maketi i totonu o Niusila.

Na faaalia e le Ofisa Sili Lagolago o le Matagaluega o Faatoaga Misa Konelio e faapea, o le taimi nei lava ia i Niusila ua matuá¾± alu i le atoa le tatou talo.

“O le taimi nei ua faaletonu le talo a Fiti faapea foi ma le talo lea na auina atu i le Malo o Toga mo maketi i totonu lava o Niusila.

“E mai lea faaletonu o le talo a Toga ma Fiti ua matuᾱ maua atoa ai e le talo a Samoa le tele o maketi i totonu o Niusila.

“O le taimi nei la e pau le tulaga lea ua i ai o le taumafai ia faamalieina le manao o maketi aemaise ai o le tulaga ia aua nei motusia le sapalai o le talo auina atu.

“Ua siitia foi le tau ua i ai nei le talo mai le $38.00 sa io ai i le $42.00 mo le 20 kilo o se fiafiaga tele lea mo nai o tatou fai faatoaga�?

Na saunoa foi Misa e faapea, o le taimi nei o loo faaauau pea a latou polokalame e unaia ai le au faifaatoaga e ala i le tulaga o le faaauau pea o nisi toaga fou e tali ai i manaoga ua i ai nei maketi i Niusila.

Sa faaalia foi e Misa e mautinoa le toe sii foi i luga o le tau o le talo i se taimi lata mai pe a fua i le manaoga ua i ai nei Niusila.

“O loo ua i ai foi nisi o poloka talo a le Maatagaluega o ia poloka e ova atu ma le tai 10 afe tiapule na totoina ai, i le faamoemoe e fesoasoani atu i le au fai faatoaga mo le faatumuina o konetaina pe a faaletonu.

Na saunoa foi Misa, ua talafeauga le lelei mai o le maketi i Niusila faapea foi ma maketi i totonu o le atunuu i le taimi nei.

Share This

About the author