The Heart of Democracy

Saunoga ale Sui Palemia Fonotoe Nuafesili Pierre Lauofo e tapunia aloaia ai le Fonotaga ale Palemene ile Aso 27 Mati 2014

 

Lau Afioga I le Fofoga Fetalai

E muamua ona ou faafetai atu I le e’e tapuai mai o Samoa i ona tulaga faalupelupeina.

Le Afio I le Afioga i le Ao Mamalu o le Malo ma lana Masiofo

Afio foi le Sui o le Fono o Sui Tofia ma lana Masiofo

Manatua foi I lenei itu aso le sailiga matagi ma le sailiga fofo a le Afioga I le Taitai a le Malo, Le Afioga I le Alii Palemia, o lea ua maua le tala fiafia o loo manuia, ma oute masalo o se aso e lē o toe mamao ona tatou toe feiloai lea I le alofa ma le agalelei o le tatou Tapaau Sili I le lagi.

A o alofaiva lou Palemene I lenei vaiaso ma le la vaiaso, e manatu sa tapuai Tumua, Pule ma Aiga.

Aiga I le Tai ma le Too o le Fua

Ua faamalo tapuai.

E le faagaloina foi le tapuaiga a le Faleagafulu ma le Motus�? faapea le Faigamalo a Tutuila ma Manu’a I le Afio o le Kovana Sili ma le Lutena Kovana faapea Sui Mamalu o Maota e Lua.

E faafetaia foi le galuega faifaipea a le Aufaigaluega na totofi a le Atua I soo se tafa o le Atunuu, ma Atunuu e mamao, o le tatalo lea I le Ao ma le Po, ina ia manuia pea Samoa I le Agalelei o le Atua, ma ana atina’e faaauau.

Lau Afigoa I le Fofoga Fetalai – O lea ua a’e I fanua le tuiga a le Tautai I lana faatamasoaliiga ma

O le agaga atoa a le Malo I lenei vaiaso, ina ia tuuitiitia galuega tuua a le Maota, e ala lea I le tagofia ma le talanoaina o Tulafono ma Lipoti a Komiti Filifilia ua faataatitia I luga o le Laulauafono.

Ua maea pasia ma talanoaina I lenei tauaofiaga Tulafono Tetele e 22 ma Lipoti e 31, ma o se matati’a foi lea a lenei Nofoaiga.

Oute talitonu ua malamalama lelei Lipoti ma Tulafono sa talanoaina.  E matūa leai se agaga I le Malo e faaufiufi se mataupu poo ni mea faaletonu, e maualuga I le manatu o le Malo le faamalamalamaina o mataupu uma ina ia aua nei masalomia le Malo e faapea o faaufiufi ni amio faaalatua.

O le manulauti a le Malo ia tali atu i ni faasea, faaletonu ma ni tuuaiga ini amio faaalatua, I se tulaga sili ona manino ma malamalama.

Aua o le malosiaga e faafoe ai le Malo e maua mai I tagatanuu e ala I Faigapalota lautele a le Atunuu.

O le faavae lea o Faigamalo Faatemokarasi, e pei ona filifilia ma taliaina e tou tua’a ma �? matou matua ua tof�?f�? mai tias�? ma fai I lagi le folauga.

O le fatu atoa o le Faatemokarasi o le mafai ona tali atu I tuuaiga I se tulaga ua sili ona manino ma malamalama.

An Accountable and Responsible Government is the heart of Democracy.

Ua mavae atu Auga Tupulaga, a tou tuaa ma matou matua, na latou �?saina le filifili o le Vaosa ma le gasu o le taitaeao, ina ia maua se saolotoga o Samoa.  E lei faigofie ona maua.  Na maua I le toto masa’a, ola faaaunuua, ma lalafi solo I le vao matua.  Sa sopo tama o le Atunuu I Upolu ma Savaii ma tof�?f�? ai I le ala o le mativa, I le tau faamalamalamaina o le Faavae Tusitusia o le Malo Fou I le Atunuu.

O le saolotoga lena, o lea ua tatou oaoa ai I faleseu ma aeae ai nei.  O galuega lelei na a o tatou tua’a na faatino.

O lea ua o’o mai I o tatou taimi, ma o le upu moni, e i’u ma uma foi o tatou taimi, ae faaauau le taitaiga o le Malo e tupulaga fai mai.  O ni Alo e faasino ia outou ma ni matou foi fanau.

O suiga la o le soifuaga e oo mai I lea taimi ma lea taimi, ma suiga o le taitaiga o le Malo mai lea auga tupulaga, I lea Auga tupulaga, e o’o mai lava e pei o le agi o le fisaga e le mafai ona tatou taofia.

E fesili le lumana’i I o tatou taimi.  Pe na lelei ona faatino tatou galuega.

E sui le taimi, e sui foi Auga Tupulaga, ae e le muta le faiga o le Malo, ma e le muta foi Atinae lelei e fai e le Malo mo le manuia o tagata lautele.  E faaauau pea.  Ae aua nei galo ia tatou le upu a le Aumatutua,

Lou tofi mai le Atua nei valetuulima.  Mafua aisea ona valetuulima?

Mafua I le faatamala, mafua I le ola faasausili, mafua I le ola soonafai ma le lē faautauta.

Vaai lou pale nei lelea.

Lau Afioga I le fofoga Fetalai,

Ia agalelei le Atua I le Taitai, le Sui Taitai ma sui mamalu o le Itu Agai.

Liua le vai o le tamaitai i lea itu o le Malu, alofagia e le Atua Minisita o le kapeneta ma Minisita Lagolago.

Maua se soifua laulelei a le Aufaigaluega a le Fono Aoao ma Faauluuluga o Matagaluega uma a le Malo, aua lo latou valaauina e tusa ai ma tiute ma galuega o loo feagai ai.

Lau Afioga I le Fofoga Fetalai, faamalo le faapalepale, faafetai mo le faafoeina o le Fono usu a le Atunuu.  O le fetailaiga Ulumu ma Lefaoseu, “Ua se togi le seu lagatila.  Ma le faapulou I tualima.  Ua malo fai o le faiva.�?

O le matou tatalo ia utupupuina pea e le Atua le tomai, le tofa faatamalii ma le faautautaga faafaleupolu e faafoeina ai ma faatonutonu folau ai le Fono Usu a le Atunuu.

Ia folau I lagi m�? Samoa.

Lau Afigoa I le fofoga Fetalai, ua o’u manatu o loo iai nai mataupu e lei talanoaina ona e lei oo iai le faagasologa o le tatou galuega – e pei foi o fesili a le taitai o le Itu Agai – ua alofa atu i le Taitai o le Itu Agai ua toatamai lona finagalo ona ua fiu e valaau I lana vaega e latou �?, ia ae leai lava se sui e tulai ou te iloa o le mafuaaga tonu lena ua teva ai, ae manatua foi lau Afioga I le Fofoga Fetalai, o le Taitai o le Itu Again a teva ese atu foi mai lenei Itu I le la Itu.

O lea ua manatu alofa I le Taitai o le Itu Agai e tatau ona maua sona  avanoa e fai ai ana fesili ma talanoa ai lipoti tatou te lei o’o atu iai.

Lau Afioga I le Fofoga Fetalai, ona ua matauina o loo iai nai lipoti a Komiti e le I oo iai le iloiloina, o lea ou te faatu le lafo, ina ia tolopoina nei Taualumaga a le Fono Aoao seia aulia le Aso Gafua 14 Aperila 2014.

Share This

About the author