Tusia Mamea Ulafala

O se mafutaga faaleaoaoga na faatautaia e se Faamasino Tamaitai mai le Malo o Niusila sa faapea ona auai uma Faamasino o le Faamasinoga o Soligatulafono i lenei aoaoga.

O le mataupu autu na ofo mai ai le fesoasoani a Ema Aitken e ala i le faatautaia o mataupu o soligatulafono o loo aafia ai le ava malosi ma fualaau faasaina.

O le faamoemoe maualuga ina ia tuuina atu faaiuga talafeagai aemaise ai o le taimi atoa o le suesuega o mataupu e molia ai tagata o aafia i le faaaogaina o fualaau faasaina ma le ava malosi.

E vaiaso atoa lenei aoaoga ma o loo faatautaia lava i le potu fono o le Matagaluega o Faamasinoga ma o loo auai foima le Afioga i le Faamasino Sili Patu Tiavaasue Falefatu Sapolu.

Na faaalia e Ema e faapea, i Niusila lava ia e anoanoai mataupu e aafia ma molia ai tagata e ala i le faaaogaina o fualaau faasaina.

E le gata i lea o nisi o soligatulafono e pogai mai i le tagofia o le ava malosi ma faataunuu ai le anoanoai o solitulafono.

O le tamaitai o Ema Aitken o se Faamasino Tamaitai na tofia e le Faamasinoga a Niusila e tagofia mataupu o soligatulafono e aafia ai tagata i le ava malosi ma fualaau faasaina.

Ua mafai ona faatino lenei faamoemoe i lalo o polokalame soosootau a le Malo o Samoa ma le Malo o Niusila e ala i auaunaga Faafaamasinoga. I Samoa lava ia e tusa o faamaumauga o le isi lenei o soligatulafono ua matauina le faatuputupulaia pea o letagofie e tagata o laau faasaina aemaise ai o nisi o faalavelave ua soli ai e nisi le tulafono ona o le ova o le tagofia o le ava malosi.

Share This

About the author

Palemia Ugapo